Алматы 1 станциясындағы Желілік полиция басқармасы қызмет көрсету аумағында теміржол көлігі нысандарында қоғамдық тәртіпті сақтау, ескерту, қылмыстың жолын кесу мақсатында ағымдағы жылғы 20-30 қараша аралығында «Құқықтық тәртіп»алдын алу іс-шарасы жүргізілді.
Іс-шара аясында 21 қарашада түнгі сағат 23:10-да Алматы1 станциясындағы теміржол вокзалында кәмелеттік жасқа толмай Шу қаласынан жалдамалы жұмыс іздеп келген 17 жастағы жасөспірім тоқтатылып, кім екендігі анықталды. Ата-анасына ҚР әкімшілік құқық бұзушылық туралы кодекстің 442 бабы 2-тармағына сәйкес айыппұл салынды.
Сонымен қатар 23 қарашада сағат 01:07-де Алматы 1 теміржол вокзалының күту залында жүрген 16 жастағы Қызылорда облысы, Арал ауданының тұрғыны полиция бөліміне жеткізілді. Бұл жағдайда ата-анасына хабарласып, ескерту жасалынды.
Екі жағдайда да жасөспірімдер Алматы қаласындағы Өмірлік қиын жағдайдағы балаларды қолдау орталығына орналастырылды.
Алматы 1 станциясындағы ЖПБ әкімшілік полиция бөлімшесінің бастығы полиция подполковнигі Ж.Әбдікапаров жүргізіліп жатқан алдын алу және ақпараттық-түсіндіру жұмысында жоғарыдағыдай құқық бұзушылық фактілері орын алып жатқанын атап өтіп, бұл шара жалғасатынын айтты.
Алматы1 ст. ЖПБ
