Алтын Күз байқауы жабық мекемеде өтті

Күз-көңіл сарайымыздың айнасы. Осы бір мезгілдің адам баласының жан дүниесіне берер қуанышы, әсері мол. Күз мезгілі адамның көңіл — күйі секілді құбылмалы. Бірде жаңбыр жауып жатса, енді бірде күн шайдай ашылып тұрады. Осындай ерекше мезгіл адамға әсер етпей қоймайтыны анық. Себебі, бұл күнде біздің өмірге деген көзқарасымыз ашылып, әлемді тани бастаймыз. Күздің осы керемет ерекшелігін ескере отырып, ағымдағы жылдың 13-ші қазанында Атырау қаласының Жастар ресурстық орталығымен бірлесіп, Атырау облысы бойынша ҚАЖД №79 мекемесінің САТжӘП жұмысы бөлімінің қызметкерлерімен жоспар жасақталды. Жоспарды орындау мақсатында, жазасын өтеп жатырған сотталған азаматшалар арасында «Miss AUTUMN-2023» атты күзгі байқау ұйымдастырылды. Аталған шараға әр жасақтан бір сотталған іріктеліп алынып, сайыстық бағдарлама шартына сай өз өнерлерін, мүмкіндіктерін ортаға салды. Сайыс қорытындысы бойынша, барлық қатысқан сотталған азаматшалар ақшалай және бағалы сыйлықтармен марапатталды.