Қылмыстық атқару жүйесі департаментінің Солжағалау аудандық пробация қызметінің есебінде тұрған тұрмысы төмен жандарға қайырымдылық көмек көрсетілді.
Жалпы 20 ға жуық пробация қызметінің есебінде тұрған азаматтарға тегін азық-түлік пен киім-кешек таратылды.
— Бүгін ақысыз жәрдем көрген адамдардың бәрі пробация қызметінің есебінде тұрғанымен, қоғамнан оқшауланбаған. Десек те, олардың көбінде өзінің күн көрісіне жететін табыс табу мүмкіндігі аз. Зұлымдықты жеңетін жалғыз күш бар. Ол – ізгілік. Бүгінгі қайырымдылық шарасы да есепте тұрған азаматтарды қайталап қылмыс жасамауға бейімдейді деп ойлаймыз, — дейді Ерасыл Төлегенов.
