Бүгін Қызылорда облысы бойынша ҚАЖ департаментіне қарасты 37 мекемесінің ұжымы сауапты іс жасады. Нақтылағанда, мекеменің кадр саясаты тобының ұйымдастыруымен қан тапсыру акциясын өткізді. Мекемеге облыстық қан орталығының дәрігерлері келіп, мекеме басшылығынан бастап 20-ға жуық қызметкер қан тапсырып, сауапты іс жасады.Орталық мамандары қызметкерлерді кезекпен қабылдап, қан құрамына сараптамалар жасап, қажетті (450грамм) мөлшердегі қанды қабылдап алды.
Адам бойындағы қайғыға ортақтасып, тілеулестік білдіріп, қолдарынан келгенше қол ұшын созу — әрбір дені сау адамның азаматтық парызы.Қан құйылуын күтіп жатқан науқастардың өмірін сақтап қалу үшін, адамның өз қанын сырқатқа ерікті түрде беруі – адамгершіліктің бір белгісі әрі сауапқа саналатын ізгі қадам екендігі сөзсіз.Біз тапсырған қан мұқтаж болған жандардың өмірін сақтап қалуға септігін тигізіп жатса, шараның мақсатының орындалғаны деп білеміз. Әрбір азамат қалыс қалмауы тиіс»,- деді мекеме бастығы Айбол Тимурұлы.
