Күз түсіп, күн суыта бастағаннан –ақ тұмаудың белгілері де біліне бастайды. Ал, қысқа қарсы тұрғындар арасында тұмаудың өршіп кететіні анық. Тұмаудан сақтанудың ең сенімді жолы – тұмауға қарсы екпе қабылдау. Екпе қабылдаған адамдар тұмаумен ауырған күннің өзінде жеңіл өткереді.
Жуырда Алматы қаласы, Алматы және Жетісу облыстары бойынша ҚАЖ департаментіне қарасты №13 мекеме қызметкерлеріне тұмауға қарсы екпе салынды.
«Тұмаудың салдарынан вирустық пневмония, қайталама бактериялық пневмония, синусит және демікпе немесе жүрек жеткіліксіздігі сияқты созылмалы аурулар өршуі мүмкін. Тұмауға қарсы вакцинация үшін «Гриппол плюс» препараты қолданылады. Аталған вакцинацияның әсерінен организмде тұмауға қарсы нақты иммунитет пайда болады. Соның нәтижесінде жеке құрамның тұмаумен жаппай ауруына жол берілмейді», — дейді Департаменттің санитарлық-эпидемиологиялық қызметінің дәрігері Сейілхан Таласбаев.
Жүйелі жүргізіліп жатқан жұмыстың нәтижесінде №13 мекеме қызметкерлерінің барлығы күз және қыз мезгілінде қабынатын вирусқа қарсы екпе алды.
