Қылмыстық атқару саласына қарасты Қызылорда облысы бойынша ҚАЖД- ға қарасты № 68 мемлекттік мекемесінде 2023 жылдың жарты жылында мекемедегі атқарылған жұмыстарды қортындылау мақсатында Қызылорда облысының ҚАЖ департаменті бастығының орынбасары, әділет полковнигі М.Нәкеновтың төрағалық етуімен жедел кеңес отырысы өтті.
Жедел кеңеске мекеме бастығы әділет майоры мен бөлім бастықтары, жеке құрам және ерікті жалдамалы қызметкерлер қатысты.
Жиынды департамент бастығының орынбасары ашып беріп, күн тәртібімен таныстырды.
Күн тәртібі бойынша мекеме бастығының жалпы сұрақтар бойынша орынбасары әділет майоры Тілеумұратов Руслан Қуандықұлы алты айда атқарылған жұмыстардың қортындысы жайындағы дайындалған баяндамасын оқыды.
Баяндаманы тыңдаған әділет полковнигі М.Нәкенов мекеменің қауырт жұмысы барысындағы жіберілген кемшіліктерге ерекше назар аударды.
Соның ішінде , Режим және күзет бөліміне, кезекші бөлімге,тәрбие бөліміне бірқатар сын-ескертпелер айтты.
Сол сияқты күн тәртібінен түспейтін басты мәселе жеке құрам арасындағы тәрбиелілік жұмыс, кадр бойынша бос орындарды толтыру әсіресе, жеке құрамның арнайы контигентпен қарым- қатынас орнатуда заң талаптарына сай болуы жағына аса көңіл бөлу керектігін баса айтты.
Әділет полковнигі мекемеге келген жас қызметкерлерге өз өмірін мысалға келтіре отырып, антаттарына адал болып, қызметтеріне жауапкершілікпен қарап жұмыс жасауға шақырды
Жиын соңында мекеме бастығы Қ.Ілиясов жоғарыда көрсетілген сын-ескертпелерді жою бойынша және айтылған ұсыныстар мақсатында барлық іс шаралар қабылданатынына сенім білдірді.
