Қайырымдылық акциясы өтті

Астана қаласы Алматы ауданының пробация қызметі сотталғандар арасынан шыққан еріктілермен бірлесе отырып, сотталған М.-ның, сондай-ақ өздерін қиын өмірлік жағдайда тапқан сотталған Б.-ның мұқтаж отбасыларына қажетті азық-түлік түрінде көмек көрсету мақсатында қайырымдылық акциясын өткізді. Бұл акция тұрақты түрде жүргізілуде, біз осындай отбасыларды қолдауға тырысамыз. Шын мәнінде осындай отбасыларды көру өте қиын, сотталғандар қайта сүрініп кетпеуі үшін, қайталап қылмыс жасамауы үшін біз оларға жан-жақты көмектесуге тырысамыз. Осы арқылы пробация қызметі сотталғандарды қадағалап қана қоймай, сотталғандарға көмек көрсетіп, тура жолға бағыттайтынын көрсеткіміз келеді.