Қазіргі таңда бас бостандығынан айыру орындарындағы сотталғандардың діни радикалдану мәселесі, сондай-ақ оның алдын алу мәселелері Президент әкімшілігінің, Үкіметтің, Ішкі Істер Министрлігінің және де басқа да қадағалаушы органдардың ерекше бақылауында. Осыған байланысты түзеу мекемелеріндегі сотталғандар арасында деструктивті діни ағымдар идеяларының енуіне және таралуына жол бермеу үшін жұмысты күшейту қажет.
Осыған орай, Астана қаласы бойынша Қылмыстық-атқару жүйесі департаменті мен «Ақниет» ақпараттық-насихаттық оңалту орталығы» қоғамдық қоры арасында өзара ынтымақтастық туралы меморандум жасалды. Осы меморандумға сәйкес, 2023 жылдың 4 мамырында Астана қаласы бойынша Қылмыстық-атқару жүйесі департаментінің №2 мекемесінің теологиялық оңалту жұмысын ұйымдастыру тобының инспекторлары «Ақниет» ақпараттық-насихаттық оңалту орталығы» қоғамдық қорында болды. Онда теолог мамандарымен тәжірибе алмасты, сонымен қатар олармен дәрістер оқылды. Оқу аяқталғаннан кейін мекеме инспекторларына «Салафизм идеологиясы, Таблиғи жамағат және оның тұжырымдамалары» тақырыптары бойынша курсты аяқтағаны туралы сертификаттар табысталды.
«Қазіргі уақытта мекемеде 500-ден астам сотталған жазасын өтеуде, оның ішінде 115 сотталған діни рәсімді орындайды. Осы сотталғандармен жұмыс жасау кезінде, олардың ой-пікірлері мен сезімдерін иман келтірудің дәстүрлі бағытына бағыттау мақсатында ақпараттық-түсіндіру әңгімелерін өткізу өте маңызды» -дейді сотталғандар арасында теологиялық оңалту жұмысын ұйымдастыру тобының аға инспекторы әділет аға лейтенанты Саят Икрамхан.
