9 мамыр — Ұлы Жеңіс күні. Бұл мереке әр отбасына ыстық, өйткені соғыс бірде-бір жанұяны айналып өтпеді. Әр отбасында соғысқа қатысып, жеңіспен оралған немесе ерлікпен қаза тапқан және оралмаған ата-әжелері бар. Қаншама адам тылда еңбек етті. Сұрапыл соғыста жеңіске жету жолында миллиондаған адамның өмірі қиылды.
Осы күнді еске алу мақсатында, Заречный ауылында орналасқан мәңгілік алауға Алматы облысы және Жетісу облысы бойынша ҚАЖД қарасты №49 мекемесінің қызметкерлері гүл шоқтарын қойып, 1 минуттық үнсіздікпен соғыс құрбандарын еске алды.
Сонымен қатар, Ұлы Отан соғысы жылдарында тылда еңбек еткен Ашкеева Айтқан ханымның үйіне барып, жеңіс күн мерекесімен құттықтап, зор денсаулық, ұзақ ғұмыр, соғыс жылдарында көрсеткен адал еңбегі үшін өздерінің алғысын білдірді.
