Батырларымыздың ерлігіне тағзым ету кейінгі ұрпақтың борышы. Сондай үлгілі істің бірі — Жеңіс мерекесі қарсаңында ІІМ М.Есболатов атындағы Алматы академиясының арнайы тактикалық кафедрасы бастығы Олег Цой Мәскеу облысындағы Даңқ обелискесіне тағзым етіп қайтты.
1941 жылы соғыс басталғаннан кейін Алматы қаласында жергілікті ұлт өкілдерінен 316-атқыштар дивизиясын жасақтап, Мәскеуді қорғауға жіберілді.1941 жылдың қазан-қараша айларында Мәскеу түбіндегі қорғаныс кезінде В.Панфилов басқарған 316-атқыштар дивизиясының жауынгерлері Волоколамск бағытын қорғауда асқан ерлік көрсеткен болатын. Мәскеу қаласын қорғауда Кеңес Одағының Батыры Бауыржан Момышұлы шебер ұрыс тактикасын танытқан еді.
Алматы академиясы арнайы тактикалық даярлық кафедрасының бастығы полиция полковнигі Олег Цой алматылық жерлестерінің ерлігіне академиядағы әріптестері атынан тағзым етіп қайтты. Сұрапыл соғыста Кеңес әскері жауынгерлерінің ерлік көрсетуінің үлгісі болған Панфиловшы батырлардың ерлігі ешқашан ел есінен өшпейді.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
