Маңғыстау облысы бойынша Қылмыстық-атқару жүйесі департаменті Түпқараған аудандық пробация қызметкерлері күнделікті есепте тұрған тұлғаларды үйлерінен тексереді. Жалпы алғанда, 90-нан астам қоғамнан оқшаулаумен байланысты емес жазаға сотталғандар пробация есебінде тұрады. Әр тұлғаны қызметкерлер тұрғылықты мекен-жайлары бойынша тексеріп, түсіндірме жұмыстарын жүргізеді.
Сондай-ақ, аудан тұрғындары демалатын ойын-сауық кешендері бойынша кешкі және түнгі уақыт аралығында рейдтік шаралар да ұйымдастырылады.
— Бұл іс-шаралар бас бостандығынан айырумен байланысты емес жазаға сотталған тұлғалардың тарапынан болатын құқық бұзушылықтың, қылмыстың алдын-алу, қайталануын уақтылы анықтау, жолдарын кесу мақсатында өткізіліп тұрады. Үйлерінде болмаған жағдайда, ескерту беріліп, түсіндірме жұмыстары жүргізіледі, — дейді Түпқараған аудандық Пробация қызметі бөлімінің бастығы әділет капитаны Айхайбек Наков.
