8 наурыз мерекесі қарсаңында желілік полиция саласының ардагерлерін құттықтады

Алматы 1 станциясындағы желілік полиция басқармасының қызметкерлері 8 наурыз мерекесі қарсаңында желілік полиция саласының ардагерлерін құттықтап қайтты.
«Бүгінгі мереке басқа мерекелерден ерекше. Бүгін аналарға алғыс айтылып, құрмет көрсетілетін күн. Сіздер – өмірдің гүлі, көңілдің жыры, әр отбасының алтын діңгегісіздер. Мынау жарық әлем тек аналардың махаббатымен ажарлана түседі. Сондықтан сіздерге зор денсаулық пен ұзақ өмір тілейміз!» -деді ардагер аналарды құттықтаған Алматы 1 ст. ЖПБ бастығының орынбасары полиция подполковнигі Әсет Бақытжанұлы Қожахметов.
Сонымен қатар ардагерлер алдында сөз сөйлеген ЖПБ Ардагерлер кеңесінің төрағасы Батима Әбішқызы Нұрова да аналар мен арулар мерекесінің тарихи мәніне тоқталып, ардагерлерді ыстық ықыласпен құттықтады.