“8 наурыз — Халықаралық әйелдер күні” қарсаңында мерекелік шара өтті

Арулар — асыл жандар!
Шуақ боп шашылғандар,
Қуат боп тасынғандар,
Құшақ боп ашылғандар,
Арулар — асыл жандар!”, — деп ақиық ақын Мұқағали Мақатаев атамыз жырлағандай, Ару Көктемнің алғашқы мерекесі “8 наурыз — Халықаралық әйелдер күні” қарсаңында Атырау облысы бойынша Дін істер басқармасының қолдауымен, Атырау облысы бойынша ҚАЖД #79 мекемесінің САТжӘПЖБ теологиялық оңалту жұмыстарын ұйымдастыру тобын және мекемеде діни экстремизм және терроризм бабы бойынша жазасын өтеуші сотталған азаматшаларды құттықтау мақсатында, “Шапағат деструктивтік діни ағымдардан жапа шеккендерге көмек орталығы” қоғамдық қорының теолог, психолог мамандарының ұйымдастыруымен мерекелік шара өткізілді.
Мерекеге орай қоғамдық қор мамандары сотталған азаматшаларға көктемнің гүліндей құлпырып, әсемдіктің, әдеміліктің, әдептіліктің иесі болып, бостандыққа шығып, отбасыларына оралып, бақытты да баянды ғұмыр кешулерін тілеп, арнайы әкелген сыйлықтарын тарту етті.