Жаңалықтар | Новости

Huawei компаниясы П.И. Чайковский атындағы Мәскеу мемлекеттік консерваториясымен жаһандық стратегиялық серіктестік туралы хабарлады

Huawei компаниясы П.И. Чайковский атындағы Мәскеу мемлекеттік консерваториясының қабырғасында өткен салтанатты шарада жаһандық стратегиялық серіктестіктің басталғаны туралы хабарлады. Екі тарап білім беру саласындағы жобалармен, ғылыми зерттеулермен, бренд өнімдерінің техникалық мүмкіндіктеріне қатысты мәселелермен айналысады, сондай-ақ бірлескен әлеуметтік маңызды жобалар сериясын жүргізетін болады.

Huawei компаниясының әлемдегі жетекші музыкалық университеттердің бірі Мәскеу мемлекеттік консерваториясымен ынтымақтастығы компанияның ғылыми-зерттеу және тәжірибелік мүмкіндіктерін дамытуға деген ұмтылысына байланысты. Huawei жаңа технологиялар мен инновациялық шешімдердің бір жағынан музыканың академиялық білімі мен бай музыкалық дәстүрлердің болуына, екінші жағынан, шын мәнінде калибрленген дыбыс сапасын қалыптастыратынына сенімді.

Қазақстан мен Орталық Азиядағы Huawei Device компаниясының директоры Фан Джинйонг:

«Биыл біз сату рекордын жаңартып жатқан FreeBuds сымсыз құлаққаптардың жаңа сериясын ұсындық. Біздің тұтынушылар ANC 2.0 ашық типті шуды жоюдың озық жүйесімен бірге музыканы тыңдау тәжірибесін барынша пайдалануға мүмкіндік беретін дыбыс сапасын жоғары бағалады. Біздің компанияның Мәскеу мемлекеттік консерваториясымен серіктестігі Huawei өнімдерін одан әрі жетілдіретініне сенімдімін»

Бірлескен жобалар

Huawei мен Мәскеу консерваториясы арасындағы серіктестің тек аймақтық қана емес, сонымен қатар халықаралық нарыққа әсер ететін болады. Екі тарап брендтің аудио өнімдерін жетілдіру үшін онлайн мастер-дәрістер сериясын ұйымдастырады, олар бүкіл әлем бойынша таратылады. Сонымен қатар, университет профессорлары Huawei аудиоөнімдерінің бірнеше кәсіби сынақтарын өткізіп, ресми ұсыныстарын береді.

Сонымен қатар, серіктестер сапалы музыканы кең аудиторияға тарату мен насихаттау үшін күш біріктіреді. Атап айтқанда, тыңдаушыларды технологиялар, инновациялар мен музыкалық дәстүрлердің өзара байланыс ерекшеліктерімен таныстыратын бірнеше жоба іске қосылады.

Huawei жаңа дыбыс сапасы

Мәскеу консерваториясымен серіктестік Huawei үшін құрылғыларда жақсы дыбыс шығарудың тағы бір қадамы болып табылады. Компания көптеген жылдар бойы жаңа аудио технологияларды дамыту бойынша үздіксіз жұмыс жасап келеді. Оның мамандандырылған ғылыми орталықтары әлемнің түкпір түкпірінде, оның ішінде Финляндияда, Германияда, Ресейде, Жапонияда және Қытайда орналасқан. Нәтижесінде, Huawei аудиовизуалды құрылғылары енді теңдесі жоқ дыбыс сапасы мен ақылды қосылымды ұсынады. Компания өнімдері жетекші әлемдік бұқаралық ақпарат құралдарының көптеген марапаттарына ие болды.

Huawei ресейлік серіктеспен ынтымақтастық шекараны кеңейтіп, жаңа бірегей тәжірибеге ие болады. Нәтижесінде тұтынушыларға одан да жақсы аудио өнімдер ұсынады деп үміттенеді.

HUAWEI Consumer Business Group туралы:

HUAWEI өнімдері мен қызметтері 170-тен астам елде қолжетімді, ғаламшардың үштен бір халқы пайдаланады. Компания АҚШ, Германия, Швеция, Ресей, Үндістан және Қытай сияқты мемлекеттерде 14 ғылыми-зерттеу орталығын ашты. HUAWEI Consumer BG — смартфондарды, ноутбуктар мен планшеттерді, тасымалдайтын электрониканы, мобильді кеңжолақты кіру құрылғыларын, үйге арналған шешімдерді, сондай-ақ бұлттағы қызметтерді әзірлеумен және өндірумен айналысатын HUAWEI компаниясының үш бизнес бөлімшелерінің бірі болып табылады. HUAWEI ғаламдық желісінің артықшылықтары, дүние жүзіндегі операциялық қызметтерінің көлемі және дамыған серіктестік желісі телекоммуникация саласындағы 30 жылдан астам жұмыс тәжірибесінің негізінде құрылған.

Комментарий