Абай облысында 2020 жылдан бастап есірткі таратқаны үшін, сот үкімімен 12 жыл мерзімге бас бостандығынан айырылып, жазасын Абай облысы бойынша Қылмыстық-атқару жүйесінің №19 мекемесінде өтеп жатқан 48 жастағы Тараз қаласының тумасы сотталған М. 3 жасар ұлын алғаш рет көрді.
Сотталушы колонияға түскенде, оның әйелі бес баласымен жалғыз қалған, олардың ең кішісі 3 жаста. Күйеуі баласын дүниеге келгеннен көрмеген. Бұған әйелдің қаражатының жоқтығы себеп болған.
Сотталған М. колонияда жұмысқа орналасқаннан кейін мекеменің бухгалтериясы арқылы жалақысынан әйеліне жүйелі түрде ақша аударып отырған. Ол қаражат әйелге күйеуіне келіп, ұлын әкелуге мүмкіндік берген.
«Біз әрқашан сотталғандардың әлеуметтік пайдалы байланыстарын қолдаймыз. Олардың, өздерінің жақындарымен, туыстарымен байланыста болғандары жақсы. Сотталған М-нің колонияға келгелі әйелінің бірінші рет келуі. Сотталушы М.-ның мінез-құлқы оң, қазіргі уақытта жазасы жоқ…» дейді мекеме бастығының орынбасары Айдын Қалелов.
Бес баланы жалғыз бағып отырған келіншекке жиі кездесуге келу оңай емес. Мекеме басшылығына колония қабырғасында жұмысқа орналасуға, сол арқылы олардың отбасыларына көмек көрсетуге мүмкіндік бергені үшін рахмет деді бес баланың анасы.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
