Синоптиктер 29 желтоқсанға арналған ауа райы болжамын ұсынды, — деп хабарлайды Tengrinews.kz тілшісі.
«Қазгидромет» РМК мәліметінше, еліміздің батыс өңірлері әлі де циклон ойпатының ықпалында болады, осыған байланысты қар аралас жаңбыр жауады.
«Елдің солтүстік – батысында, солтүстігінде, орталығында, шығысында атмосфералық фронтальды жүйелердің өтуімен қар, оңтүстігінде жаңбыр, қар жауады. Тек ҚР оңтүстік-шығысында жауын-шашынсыз ауа райы болжанды», — делінген хабарламада.
Республиканың батысында, солтүстігінде, оңтүстігінде тұман, батысы мен оңтүстігінде көктайғақ болжанды, еліміздің батысында, оңтүстік-шығысында жел күшейеді.
Астана қаласы: көшпелі бұлтты, кей уақыттарда қар жауады. Шығыстан жел соғады, күші – 3-8 м/с. Ауаның температурасы түнде -12-14 градус, күндіз -8-10 градус болады.
Алматы қаласы: көшпелі бұлтты, жауын-шашынсыз. Жел 0-5 м/с. Ауаның температурасы түнде -4-6 градус, күндіз +1+3 градус болады.
Шымкент қаласы: көшпелі бұлтты, таңертең және күндіз жауын-шашын (көбінесе жаңбыр) жауады. Оңтүстік-шығыстан жел соғады, күші 5-10 м/с. Ауаның температурасы түнде 0,-2 градус, күндіз +6+8 градус болады.
