spot_img
spot_img

2024 жылы кімдердің жалақысы өседі?

Еңбек және халықты әлеуметтік қорғау министрлігі өкілдері 2024 жылы кімдердің жалақысы қалай өсетініне жауап берді, — деп хабарлайды Massaget.kz тілшісі.

Tengrinews.kz-ке берген ведомствоның ресми жауабында министрлік еңбек заңнамасына сәйкес азаматтық қызметкерлерге еңбекақы төлеуді реттейтіні айтылады. Олардың еңбегіне ақы төлеу жүйесі мемлекеттік мекемелер мен қазыналық кәсіпорындардың барлық қызметкері үшін бірыңғай саналады.

«Мемлекет басшысының 2021 жылғы 1 қыркүйектегі «Халық бірлігі және жүйелі реформалар — ел өркендеуінің берік негізі» атты Қазақстан халқына жолдауында айтылған тапсырмасын орындау үшін 2022 жылғы 1 қаңтардан бастап лауазымдық міндеттеріне түзету коэффициентін қолдану арқылы азаматтық қызметкерлердің жекелеген санаттарының (педагогтерді, медициналық және әлеуметтік қызметкерлерді қоспағанда) жалақысын кезең-кезеңімен арттыру басталды», — делінген жауапта. 

2022 жылы бұл коэффициенттің мөлшері 1,23 болса, 2023 жылы 1,45-ке жетті. 2024 жылы ол 1,71-ге, ал 2025 жылы 2,0-ге дейін көтеріледі. Осылайша, төрт жыл ішінде азаматтық қызметкерлердің жалақысы екі есеге өседі.

Сондай-ақ, министрлік Мемлекет басшысының тапсырмасы бойынша 2024 жылғы 1 қаңтардан бастап ең төменгі жалақы мөлшерін (ЕТЖ) 70 мыңнан 85 мың теңгеге дейін арттыру жоспарланғанын хабарлады.

Министрліктің болжамына сәйкес, осыған орай меншіктің әртүрлі нысанындағы кәсіпорындарда барлық салада жұмыс істейтін 1,8 миллионға жуық жалдамалы қызметкердің табысы өседі.

gov.kz мәліметіне сүйенсек, ҚР Еңбек кодексіне сәйкес қазыналық кәсіпорындар мен мемлекеттік мекемелерде штаттық лауазымды атқаратын адамдар азаматтық қызметкерлер саналады.

Қазақстанға әкелінген қызанақтан қауіпті вирус табылды

Қазақстанға Ресейден әкелінген қызанақтан вирус табылды. 500 келі болатын бүкіл партия жойылуы керек.

Қазақстан мен Корея қандай құжаттарға қол қойды?

Қасым-Жомарт Тоқаев пен Юн Сок Ёль БАҚ өкілдері үшін брифинг өткізді. Келіссөздер қорытындысы бойынша, ресми делегация мүшелері бірқатар құжаттарға қол қойды.

Атырауда адам өлімімен аяқталған жанжал: куәгерлер тың дерек айтты

Атыраудағы базарлардың бірінде адам өлімімен аяқталған кикілжіңге қатысты жаңа деректер пайда болды. Екі адам арасындағы жанжалға көліктің сырылып кетуі себеп болған.

51 мың қазақстандық жалдамалы пәтерін жекешелендіре алады: Мәжіліс заң жобасын қабылдады

Мәжілістің жалпы отырысында "Қазақстанның кейбір заңнамалық актілеріне тұрғын үй саясатын реформалау мәселелері бойынша өзгерістер мен толықтырулар енгізу туралы" заң жобасы жөнінде екінші оқылымда қабылданды.