Көктемнің алғашқы күндері ауа райы қандай болады? |
Бас тақырып | Тема дняҚоғам | Общество

Көктемнің алғашқы күндері ауа райы қандай болады?

Қазгидромет 28 ақпан – 2 наурыз аралығына ауа райы болжамын ұсынды. Алдағы күндері Қазақстанның басым бөлігінде көктемдегідей құбылмалы ауа райы болады, деп хабарлады «Қазгидромет» метеоқызметі.

«Республиканың солтүстік бөлігінде кей жерде қар жауып, боран соғады, көктайғақ болады. Оңтүстік бөлігінде – жауын-шашын, қар аралас жаңбыр, тұман, көктайғақ. Күндіз ауа температурасы плюс бес пен +18 градус арасында құбылады. Жалпы еліміздің бүкіл аумағында ауа температурасы климаттық мәннен жоғары болады», — деп хабарлады «Қазгидромет» синоптигі.

Астана қаласында 28 ақпанда ауа райы көшпелі бұлтты, оқтын-оқтын қар жауып, жаяу бұрқасын болады, солтүстік-батыстан соққан жел оңтүстік-батысқа ауысып, екпіні 9-14 м/с болады, түнде ауа температурасы минус 11-13 градус, күндіз 3-5 градус аяз. 1 наурызда елордамызда ауа райы көшпелі бұлтты, жауын-шашынсыз, оңтүстік-батыстан соққан желдің екпіні – 5-10 м/с, түнде ауа температурасы 10-12 градус аяз, күндіз минус 5-7 градус. 2 наурызда бас қаламыз Астанада ауа райы көшпелі бұлтты, жауын-шашынсыз, оңтүстік-батыстан соққан желдің екпіні – 5-10 м/с, түнде – 13-15 градус аяз, күндіз – минус 2-4 градус.

Алматы қаласында 28 ақпанда ауа райы көшпелі бұлтты, жауын-шашынсыз, желдің екпіні – 0-5 м/с, ауа температурасы түнде -1 және +1 градус, ал күндіз 10-12 градус жылы болады. Наурыздың 1-інде оңтүстік астанамызда ауа температурасы түнде 6 градус жылы болса, күндіз +9 градусқа дейін жылынады. 2 наурызда ауа райы көшпелі бұлтты, жауын-шашынсыз, желдің екпіні – 0-5 м/с, ауа температурасы күндіз 2-4 градус нөлден жоғары, күндіз 12-14 градус жылы.

Шымкент қаласында 28 ақпанда ауа райы көшпелі бұлтты, түстен кейін жаңбыр жауады, оңтүстіктен соққан желдің екпіні 8-13 м/с, түстен кейін ұйытқуы 15-20 м/с, түнде ауа температурасы 2-4 градус жылы болса, күндіз 13-15 градусқа дейін жылынады. 1 наурызда ауа райы көшпелі бұлтты, оқтын-оқтын жаңбыр жауады, оңтүстік-шығыстан соққан желдің екпіні 8-13 м/с, түнде ауа температурасы 3-5 градус нөлден жоғары, күндіз 15 градус жылы. 2 наурызда көшпелі бұлтты, оқтын-оқтын жаңбыр жауады оңтүстік-шығыстан соққан желдің екпіні 8-13 м/с, түнде ауа температурасы 2-4 градус жылы, күндіз плюс 12-14 градусқа дейін көтеріледі.

Комментарий

Pin It on Pinterest