Алматы қаласы, Алматы және Жетісу облыстары бойынша ҚАЖ Департаменті және Алматы облыстық жұмыспен қамту орталығы қызметкерлерінің қатысуымен, сотталғандардың бостандыққа шыққаннан кейінгі үй жағдайымен қамтамасыз ету бойынша кездесу өткізілді. Кездесу барысында сотталғандар арасында әлеуметтік тұрғыда көмек көрсету мақсатында, топтық жиын өткізіліп, түсіндірме жұмыстар жүргізілді.
Іс-шараға ҚАЖ Департаментінің сотталғандар арасында тәрбие жұмысы бойынша бөлімінің аға инспекторы Алия Джангулова, Алматы облысы бойынша Өмірлік қиын жағдайда қалған адамдарға арналған әлеуметтік бейімдеу орталығының басшысы Ғабит Рахымбай, Алматы облысының жұмыспен қамтуды үйлестіру және әлеуметтік бағдарламалар басқармасының бас маманы Талғат Мылтыкбаев, Алматы облысының еңбек мобилдігі орталығының заңгері Азамат Жамбулатов қатысты.
Босатылуына 1 жыл қалған кездесуге қатысып отырған сотталғандар тарапынан өздерін қызықтырған сұрақтар қойылып, қажетті жауаптар алынды.
