Бүгін наурызнама бойынша қайырымдылық күні. Қайырымдылық тек материалдық көмек көрсетуде ғана емес, рухани қолдау, жанашырлық таныту,көмек беру, жақсылық жасаудан тұрады.
Игі іс жасауды дәстүрге айналдырған Қызылорда облысы бойынша ҚАЖ департаментіне қарасты №37 мекемесінің қызметкерлері Қызылорда қаласының тұрғыны алтын алқа иегері Кәден әженің ауласын тазалап,ретке келтіріп берді.
Қарт әже мекеме қызметкерлеріне ақ батасын беріп, жасаған қолғабыстары үшін алғысын білдірді. Қазақ- қариясын құрметтеп, сыйлаған халық. Жастық шақтарын ел мен жердің гүлденуіне арнап, маңдай терлерін төккен ардақты аталар мен ақ жаулықты әжелерге құрмет көрсету – біздің басты парызы деп білеміз. Бүгін мекеменің қызметкерлері әжемізге көмек көрсетіп, батасын алдық. Қазыналы қарияларымызға көмек көрсету жалғасын табатын болады, — деді әділет капитаны Дінмұхаммед Оспанов.
