№20 мекемеде сотталғандар арасында жазғы спартакиада аясында армрестлинг пен гір көтеруден жарыстар өткізілді

№20 мекемеде сотталғандар арасында ұйымдастырылған жазғы спартакиада аясында армрестлинг пен гір көтеруден жарыстар өтті. Аталған іс-шараның мақсаты – салауатты өмір салтын насихаттау, дене шынықтыру мен спортты дамыту, сондай-ақ сотталғандардың тәртіпке, өзін-өзі жетілдіруге және белсенді өмір салтына деген ынтасын арттыру.
Жарысқа қатысушылар жоғары деңгейдегі физикалық дайындықтарын, жеңіске деген жігерлерін, төзімділіктері мен спорттық шеберліктерін көрсетті. Сайыс тартысты әрі әділ бәсеке жағдайында өтіп, қатысушылар бір-біріне құрмет танытты.
Армрестлинг бойынша өткен белдесулер ерекше қызығушылық тудырып, қатысушылардың күш-қуаты мен шеберлігін айқындады. Сонымен қатар, гір көтеру сайысында спортшылар өздерінің күштік мүмкіндіктері мен төзімділіктерін жоғары деңгейде көрсете білді.
Жарыс қорытындысы бойынша жеңімпаздар мен жүлдегерлер грамоталармен және естелік сыйлықтармен марапатталды. Осындай спорттық іс-шаралар сотталғандардың бос уақытын тиімді ұйымдастыруға, денсаулықтарын нығайтуға, ұжымдық рухты қалыптастыруға және салауатты өмір салтын ұстануға деген ынталарын арттыруға ықпал етеді.
Мекеме әкімшілігі алдағы уақытта да сотталғандарды спортпен шұғылдануға тарту, олардың дене және рухани дамуына жағдай жасау бағытындағы жұмыстарды жалғастыра бермек.