Ағымдағы жылдың 11 қарашасында Алматы қаласының санитариялық-эпидемиологиялық бақылау департаментінің ішкі қауіпсіздік бөлімінің ұйымдастыруымен жаңадан қабылданған мемлекеттік қызметшілер арасында діни ағарту, сондай-ақ лудоманияның алдын алу мәселелері бойынша семинар өткізілді.
Семинарға арнайы шақырылған Алматы қаласы Дін істері жөніндегі басқармасы жанындағы ақпараттық-түсіндіру тобының мүшесі Жанна Орынбасарқызы Қаңтарбаева діни ағарту, деструктивті ағым мәселелері бойынша кеңінен лекция оқыды.
Семинардың тағы бір қонағы ҚР Мемлекеттік қызмет істері агенттігінің Алматы қаласы бойынша департаментінің бас маманы Шавкет Метхатұлы Турдуев лудоманияның алдын алу және жалпы мемлекеттік қызметшілердің қызметтік әдебі бойынша түсіндірме беріп, практикада кездесетін жағдайлармен бөлісті.
Бұдан бөлек, Департаменттің Әдеп жөніндегі уәкілі Гаухар Сұлтанқызы Каткенова, персоналды басқару қызметінің басшысы Зейнолла Бекмырзаұлы Салқынбаев, ішкі қауіпсіздік бөлімі басшысының м.а. Мейірхан Нұрақынұлы Мухамедиев бұзушылықтың алдын алуға бағытталған бірқатар ұсынымдар берді.
Күн тәртібі бойынша қойылған сұрақтарға жауаптар беріліп, діни ағарту және қызметтік әдеп мәселелері бойынша мемлекеттік қызметшілер толық мағлұматтар алды.
Каткенова Гаухар Сұлтанқызы
Алматы қаласының санитариялық-эпидемиологиялық бақылау департаменті басшысының орынбасары
