Президент Әкімшілігінің тапсырмасы аясында Алматы және Жетісу облыстары бойынша ҚАЖ департаментінің №10 мекемесінде JN брендімен отандық компьютерлік техниканы құрастыруға арналған өндірістік алаң іске қосылды.
Аталған жоба Алматы және Жетісу облыстары бойынша ҚАЖ департаменті, Алматы облысының әкімдігі және Алматы облысының прокуратурасы бірлесіп жүзеге асырды.
Бүгінде өндіріс жұмысына оннан астам сотталған тартылған. Алдағы уақытта 100-ге дейін жұмыс орнын ашу жоспарланып отыр.
Жоба отандық өндірісті дамытуға, жаңа жұмыс орындарын құруға және сотталғандарды еңбекке баулу мен кәсіби дағдыларын қалыптастыруға бағытталған.
Еңбек пен білім — қоғамға қайта бейімделудің маңызды қадамы.
