Қазақстанда 1 тамыздан бастап электр энергиясы тарифі өседі, — деп хабарлайды Massaget.kz тілшісі.
29 шілдеде энергетика министрінің міндетін атқарушы қол қойған «Электр энергиясына шекті тарифтерді бекіту туралы» бұйрыққа сәйкес электр энергиясына жаңа шекті тарифтер белгіленді.
Құжатқа сәйкес электр энергиясын сатумен айналысатын мына компаниялар үшін тариф көтеріледі:
- Т.И. Батыров атындағы Жамбыл МАЭС — 22,58 теңгеден 23,25 теңгеге дейін,
- Ақтөбе ЖЭО — 17,54 теңгеден 18,19 теңгеге дейін,
- «Жайықжылуэнерго» АҚ-13,25 теңгеден 13,95 теңгеге дейін,
- МАЭК-Қазатомөнеркәсіп — 22,16 теңгеден 23,26 теңгеге дейін,
- «Кристалл Менеджмент» АҚ — 15,27 теңгеден 16,09 теңгеге дейін,
- «Ақтөбе рельс-арқалық зауыты» ЖШС — 21,11 теңгеден 23,58 теңгеге дейін,
- З-Энергоорталық — 16,77 теңгеден 18,46 теңгеге дейін,
- Қызылорда жылу электр орталығы — 12,10 теңгеден 13,13 теңгеге дейін,
- «Батые Пауэр» ЖШС — 15,89 теңгеден 17,63 теңгеге дейін,
- Karabatan Utility Solutions ЖШС — 10,67 теңгеден 13,06 теңгеге дейін,
- OzenMunaiProm ЖШС — 26,92 теңгеден 28,68 теңгеге дейін,
- «Қазхром» ТҰК» АҚ — 10,67 теңгеден 11,65 теңгеге дейін,
- «ССКӨБ» АҚ — 18,82 теңгеден 18,94 теңгеге дейін,
- Энергия өндіруші ұйымдардың 63-ші тобы үшін киловатт-сағатына 44,02 теңге мөлшерінде тариф белгіленді.