Қазақстан мен Қытай шекарасындағы өткізу бекеттері мерекеге байланысты екі күнге жабылады, — деп хабарлайды Massaget.kz тілшісі.
Ресей Федералдық кеден қызметінің өз азаматтарына берген ақпарат мәліметінше, шектеулер көлік өткізу бекеттеріне де қатысты болады.
«Шекара бекеттерінің жабылуына себеп – Қазақстанның Тәуелсіздік күнін мерекелеу. 16 және 17 желтоқсанда Қазақстан мен Қытай шекарасындағы келесі автомобиль өткізу бекеттері жұмыс істемейді», – делінген жазбада.
- «Бақты» (Абай облысы);
- «Майқапшагай» (Шығыс Қазақстан облысы);
- «Достық» және «Нұр жолы» (Жетісу облысы);
- «Құлжа» (Алматы облысы) жұмыс істемейді.
«Достық» және «Алтынкөл» теміржол өткізу бекеттері қалыпты режимде жұмысын жалғастырады.
