Алматының орталық стадионында Чемпиондар лигасының жалпы кезеңінің екінші турында «Қайрат» футол клубы мадридтік «Реалды» қабылдады. Отандастарымыз «Реал Мадридтен» 0:5 есебімен ұтылды.
Ойынның алғашқы минуттарында «Қайрат» бірнеше рет қарсыластар қақпасына шабуыл жасағанымен, сәтсіз болды. Кездесудің алғашқы есебін «Реалдық» Килиан Мбаппе ашып, алматылық клубтың қақпасына гол соқты. Бірінші тайм 0:1 есебімен аяқталды.
Ал екінші таймда «Реал» ойыншылары «Қайрат» қақпасын тағы да төрт рет дәл көздеді.
Ойынның екінші жартысында Мбаппе қатарынан екі гол соқты да, алаңнан алыстады. Төртінші голдың авторы — Камавинга. Ал Браим «Қайрат» қақпасына бесінші голды салды.
