Ағымдағы жылдың маусым айында Шиелі аудандық пробация қызметінің есебіндегі 2 азаматы қайтарымсыз грант ұтып алды.
Олар мал шаруашылығын дамыту үшін «Бастау Бизнес» жобасы бойынша оқып, 1 млн 380 мың теңге көлемінде мемлекет тарапынан қайтарымсыз грант ұтып алды. Бұл екеуі, нақтырақ айтсақ Т есімді азамат ҚР ҚК- нің 345-1- бабының 3 бөлігімен шектеу жазасы бойынша есепте тұрса, екіншісі Б. есімді азамат ҚР ҚК- тің 188-бабының 4- бөлігінің 3- тармағы бойынша 5 жылға шартты түрде сотталған.
Қайтарымсыз грантты ұтып алған сотталғандар пробация қызметкерлеріне ризалығын білдірді.
– Мемлекет тарапынан біз секілді азаматтарға қолдау көрсетіп, қайтарымсыз грант бөлініп жатқандығы бизнес жобамыздың жандануына септігін тизгізгеніне өте қуаныштымын.
Алдағы уақыттағы басты мақсатым – кәсібімді үлкейтіп, жұмысссыз азаматтарға жұмыс ұсынып, халыққа да, өзіме де пайдалы жұмыс жасау. Жеке кәсіп ашуыма ықпал жасап, құқықтық көмек көрсеткен пробация қызметіне алғысым шексіз, – дейді сотты болған азамат.
