Атырау облысы Ішкі саясат басқармасы «Қоғамдық келісім» КММ ұйымдастыруымен ҚАЖ Департаменті №15 түзету мекемесінде «Қазақстан – бірлік пен татулық мекені» атты кездесу өтті.
Оған ҚАЖ Департаменті №15 түзету мекемесінің ұжымы мен жазасын өтеушілер, Атырау облысы ҚХА этномәдени бірлестіктерінің өкілдері мен Ақсақалдар кеңесінің мүшелері, «Жәрдем-Атырау» қоғамдық қорының дін саласы қызметкерлері қатысты. Кездесуде Атырау қаласында орналасқан түзету мекемелерінде сотталғандарға этносаралық қатынастар саласындағы қоғамдық пікір, жақсы көңіл-күйді қалыптастыруға бағытталған ақпараттық-түсіндіру жұмыстары жүргізілді. Сонымен қатар, қақтығысушы тараптар арасындағы келіссөздерді жүргізу, жанжалдарды сот жүйесіне жүгінбей, медиация арқылы реттеу туралы кәсіби медиатор мен өз-өзіне қол жұмсаудың зардабы ауыр күнә екенін ұғындырған теолог-маманның кеңесі қатысушылардың үмітін үрлегендей жарқын болашаққа деген сенімдерін оятты.
