Қазақстан жер сілкінісінен зардап шеккен Ауғанстанға гуманитарлық жүк жіберді, — деп хабарлайды Tengrinews.kz тілшісі ТЖМ мәліметіне сілтеме жасап.
«Қазақстан Президенті Қасым-Жомарт Тоқаевтың тапсырмасына сәйкес Ауғанстанға қолдау көрсету үшін мемлекеттік материалдық резервтен азық-түлік, шатырлар, киім-кешек және төсек-орын жабдықтары бөлінді», — делінген хабарламада.
ТЖМ мәліметінше, жөнелтілетін гуманитарлық жүктің тізбесінде барлығы 1659 тонна көлемінде 13 түрлі тауар бар. Дәрі-дәрмектер мен шатырлар Ұлттық ұланның ұшағымен жіберілген.
