Қазалы ауданының прокуроры Әбіш Дарын Елтайұлы аудандық пробация есебінде тұратын азаматтарды қабылдады. Қабылдау барысында аудан прокуроры осы азаматтарға ҚР Үкіметінің «Пробация қызметінің есебінде тұрған адамдарға әлеуметтік-құқықтық көмек көрсету қағидаларын бекіту туралы» қаулысына сәйкес түсіндірме жұмыстарын жүргізді.
Сонымен қатар кездесуге пробация есебіндегі сотталғандар қатысып, өздеріне тиісті көкейтесті сұрақтарын қойып, тұшымды жауаптарын алды.
Сондай-ақ, Қазалы ауданының прокуроры Дарын Елтайұлы азаматтардың әлеуметтік жағдайын, еңбекпен қамтылған-қамтылмағанын, тұрғылықты жерінің бар жоғын, өмір жағдайын зерделеп, қайта қылмыс жасамау керектегін, жасаған қылмыстың өтеуі-жаза екенін түсіндіріп, қабылдауды аяқтады.
«Қазіргі таңда сотталушы болсамда өзімнің алға қойған мақсатымның бар екендігін және де сол мақсаттың орындалатынына көзім жетті. Бүгінгі қабылдауға қатысып, әлеуметтік-құқықтық кеңес бойынша көмек алдым. Сондай-ақ, мемлекет тарапынан қосымша қандай көмек берілетінін және ол көмекті алу жолын сұрап білдім. Осындай кездесулерді жиі ұйымдастыратын пробация қызметкерлеріне алғысым шексіз»-, дейді есепте тұрған сотталған азамат.
Қызылорда облысы бойынша ҚАЖД
