Жаңа жыл мерекесі жақындаған сайын әрбір бүлдіршін ерекше сыйлық күтетіні жасырын емес.Балаларға сыйлық жасауды игі дәстүрге айналдырған Кызылорда облысы бойынша Қылмыстық-атқару жүйесі департаментінің ұжымы Арнаулы әлеуметтік қызметтер көрсету балалар орталығына барып, балаларды қуантты. Департамент бастығы Шаймерден Тәжіқұлұлы балаларды жаңа жыл мерекесімен құттықтады.
– Бала – біздің болашағымыз. Балғындарымыздың бақытты өмір сүруі үшін жағдай жасап, қамқорлық таныту – біздің міндетіміз. Мереке күнінде жеткіншектердің басын қосып, олардың жалғыз емес екенін сезіндіріп, көңіл-күйін көтеріп, жүздерінен бақыттың қуанышын көргіміз келеді, — деді департамент бастығы, әділет полковнигі Шаймерден Тәжіқұлұлы.
Өз кезегінде орталық директоры Ерлан Сәулебекұлы қонақтарды орталықтың тыныс-тіршілігімен таныстырып, демеушілерге шын көңілден алғысын білдірді.