ҚАЖ мекемелеріне тыйым салынған заттардың өтуі қатаң бақылауда болса да тәртіпке бас игісі келмейтіндердің саны азаймай тұр. Жуырда Шымкент қаласы және Түркістан облысы бойынша ҚАЖД қарасты № 54 (қауіпсіздігі орташа) мекемесінің қызметкерлері туысқанына тыйым салынған затты кіргізбекші болған азаматшаны ұстады.
Анықталғандай Шымкент қаласының Азере есімді тұрғыны өзінің жазасын өтеп отырған туысына яғни сотталғандарға тыйым салынған заттарды сәлемдемеге жасырып салып келген. Ол сәлемдеме ретінде аяқ киім тазалағыштың ішіне 3 дана ұялы телефон жасырып кіргізбекші болған. Алайда тексеру тобы мамандарының жіті тексеру барысында аталған тыйым салынған заттар табылып тəркіленген.
Қазіргі таңда ҚР Əкімшілік құқық бұзушылық туралы 481 бабына сай іс-құжаттар жинақталып сотқа жолданды.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
