Түркістан қалалық полиция басқармасының Жергілікті полиция қызметі бөлімі патрульдік полицейлері жанар-жағармайды елден тыс жерлерге заңсыз тарату деректеріне жол бермеуге бағытталған алдын алу іс-шараларын жүргізуде.
Тәртіп сақшылары тексеру кезінде, тиісті рұқсатсыз қосымша жанар-жағармай бактарын орнату арқылы көлік құралдарын пайдалану ережелерін бұзушыларды анықтауға, сондай-ақ жүргізушілердің жол қозғалысы ережелерін сақтауына баса назар аударуда.
Рейд барысында тәртіп сақшылары рұқсатсыз қосымша жанармай бактары орнатылған екі жүк көлігін анықтады. Жүргізушілерге қатысты ҚР ӘҚБтК-нің 590-бабы 7-бөлігімен «Көлік құралдарын пайдалану ережелерін бұзу» бойынша әкімшілік хаттама толтырылды.
Патрульдік полиция батальонының взвод командирі Қайрат Қалманов : «2023 жылғы 15-20 мамыр аралығында Түркістан облысының аумағында жанар-жағармайды заңсыз тасымалдау жайттарын анықтау бойынша рейд жүргізілуде. Егерде автокөліктерде қосымша бактар анықталса, заңға сәйкес тиісті шара көрілетінін болады»-деп ескертті.
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
