Грузия мемлекеті Тбилиси қаласында 20-дан астам мемлекеттен барған 800-ден аса спортшы жиналған әлемдік жарыс өтуде. Оған Түркістан облысы полиция департаментінің Оқу-жаттығу взводының инспекторы Жәнібек Айдарбек те қатысуда. Ол мықтылар бақ сынаған сайыста айқын басымдықпен жеңіске жетті.
Яғни 80 келіде жекпе-жектен сайысқа түскен Жәнібек, 5 кездесу жасап, финалда Молдова спортшысын жеңді. Нәтижесінде жүлделі І-орынды иеленіп, қанжығасын алтынмен толықтырды.
Айта кетсек, полиция капитаны Жәнібек Айдарбек 13 жылдан бері «Самбо» күресімен айналысып келеді. Халықаралық дәрежедегі спорт шебері, 2014 жылы Азия чемпионы атағын алған.
Сондай-ақ аталған жарысқа Жәнібектің шәкірті Арнұр Анаш есімді жас жігіт 50 келі салмақта қатысып, жекпе-жектен ІІ-орын алды.
Түркістан облысы ПД баспасөз қызметі
