Алғыс айту күні – бұл ең алдымен қазақстандықтарға деген құрметтің орнығуына негіз болған бейбітшілік пен келісім күні. Өзге ұлт өкілдерінің қазақ халқына алғыс айтатын күні.
Айтулы мереке қарсаңында, көптеген ұлттар мен этнос өкілдерінің ынтымағын нығайта түсуі мақсатында, Түлкібас аудандық полиция бөлімінің қызметкерлері О.Кошевой атындағы жалпы орта мектебінде өткен салтанатты жиынға қатысты.
Іс-шараға түрлі этно-мәдени орталықтарының өкілдері, мектеп ұжымы жұмылдырылды. Жиынға қатысушылар, тағдыр тәлкегімен қоныс аударған өзге ұлт өкілдерінің құтты қонысына айналған қасиетті қазақ жері мен қонақжай халқына шынайы алғыстарын білдірді.
Осылайша «1 наурыз Алғыс айту күні» мектеп оқушыларының концерттік бағдарламасымен жалғасты.
Түркістан облысы ПД баспасөз қызметі
