Қызылорда облысы бойынша Қылмыстық-атқару жүйесі департаментіне қарасты №37 мекемесінде қазіргі таңда жазасын өтеушілер арасында 88,4 пайызы жұмыспен қамтылған.
Қылмыстық-атқару жүйесі департаменті бастығының орынбасары әділет подполковнигі Ж.Әбдіқайыровтың төрағалық етуімен жеке кәсіпкерлермен жиын өткізілді. Бұл шараға, Қызылорда облысы прокуратурасы үкімдердің орындалуын қадағалау басқармасы бастығының міндетін атқарушы Алмас Махмут Ахтанұлы, Жергілікті басқару бөліміне қарасты еңбек қорғау бөлімінің маманы Досымов Болат Бегайдарұлы мен мекеме бастығының орынбасары әділет майоры Битаев Абай қатысты.
Кездесудегі мақсат – сотталғандардың айлық жалақылары Қазақстан Республикасының заңында белгiленген ең төмен жалақы мөлшерiнен кем болмауы, олардың жұмыс уақытында қадағалануы, жұмыс орнындарындағы қауіпсіздік ережелерінің сақталуы, жұмыс уақытында қолданыстағы нормаларға сәйкес арнайы киімдермен қамтамасыз етілуі тұрғысында болды.
Департамент бастығының орынбасары әділет подполковнигі Ж.Әбдіқайыров кәсіпкерлерге күнделікті әрбір сотталғандарға жұмыс кезінде қауіпсіздік шараларын белгілейтін нұсқаулықпен таныстырып отыру қажет екендігін айтып, сонымен қоса олардың еңбекақыларын толық және уақытылы аударылуын камтамасыз етілуі керек деді. Жиын соңында мекеме бастығының орынбасары әділет майоры А.Битаев жедел ахуалдың тұрақтылығы жөнінде, еңбек заңдылығының талаптарын қатаң сақтау керектігін айтты.
Жеке кәсіпкерлерде жұмыс жасайтын сотталғандар есік, үй жиһаздарын, пластик терезелер жасаумен, жалюзи тігумен, машина жөндеумен, газоблок, пескаблок, кірпіш өнімдерін шығарумен айналысады.
