Ана тілін ұмытқан адам
өз халқының өткенінен де,
болашағынан да қол үзеді.
Ғ.Мүсірепов.
Тіл – тәуелсіздігіміздің қуатты құралы, елдігіміз бен бірлігіміздің биік туы. Ал тілдің тірегі – біз өзіміз. Тілдің тағдыры – әрбіріміздің қолымызда.
Иә, қазақ халқы ұлт болып қалыптасқалы бері қазақ тілі өмір сүріп келеді. Туған тіліміздің иесі – кешегі қазақ, дана бабаларымыз. Тіл – кешегі ұлы тұлғалардың бізге қалдырған аманаты, бүгінгі біздің абыройымыз, ертеңгі күннің кепілі. Тілдің тағдыры мен болашағы – еліміздің әрбір азаматының қолында деп ойлаймын. Сол себепті әрқайсымыз тілімізге ерекше сый-құрмет көрсетіп, оны дамытуға барынша үлес қосуымыз керек.
Елімізде қазақ тіліне көрсетілетін сый-құрмет ерекше қалыптасып келеді. Президент Қ.Тоқаев халыққа жасаған Жолдауларында басым бағыттарының бірі – мемлекеттік тілді жан – жақты дамытуды басты назарда ұстап келді.
Тіл дегеніміз әр ұлтқа берілетін жаратқанның сыйы. Әр ұлттың қазынасы ол байлығы емес, тілі, тарихы. Тіл – әдебиетіміз, намысыз, достықтың алтын көпірі, мәдениетіміз, халқымыздың күре тамыры. Қазақстан Республикасының Конститусиясының 7-бабында: «Қазақстан Республикасының мемлекеттік тілі — қазақ тілі» деп көрсетілген.
Тілге деген құрмет ол елге деген құрмет болып табылады. Бауыржан Момышұлы: «Анамыздың ақ сүтімен бойымызға дарыған тілімізді ұмыту – бүкіл ата-бабамызды, тарихымызды ұмыту» деген. Тіл — біздің басты байлығымыз екенін алға тарта отырып, тіліміздің мәртебесін әрдайым көтеруіміз керек. Кез-келген мемлекеттің дамуы мен қалыптасуында тілдің алатын орны ерекше.
Қорыта айтқанда, қазақ тілінің – мемлекеттік тіліміздің өркендеуіне әрбір азамат өзінің сүбелі үлесін қосса, тарих алдында атқарған қаситетті парызы болар еді.
Түркістан облысы
Әділет департаментінің
Атқарушылық өндірісті
қамтамасыз ету бөлімінің
басшысы Ж.Токсабаев
