Жетісу облысында тергеудегілер, сондай-ақ үкім заңды күшіне енбеген азаматтар шетте қалмай, өздерінің сайлау құқығын іске асырды.
Қазақстан Республикасы Парламенті Мәжілісі мен мәслихаттары депутаттарының кезектен тыс сайлауына тергеу изоляторда отырғандар өз таңдауын жасады.
Алматы облысы және Жетісу облысы бойынша ҚАЖД қарасты №71 мекемесінде орналасқан №424 сайлау учаскесінде дауыс беру, таңғы 07-15 тен басталды. Дауыс беруге құқылы 154 тергеудегі адамдар сайлауға қатысты.
«Дауыс беру Заң мен құқықтық нормалардың талаптарына сәйкес өтті. Дауыс беруге арналған жәшіктер мен кабиналар орнатылып, бейнебақылаумен жабдықталған бөлмеде жүзеге асырылды. Құқық бұзушылықпен ескертулер болған жоқ», — деп атап өтті Сайлау учаскесінің төрағасы.
