Алматы облысы және Жетісу облысы бойынша ҚАЖД қарасты №71 мекемесінде шаруашылық қызмет көрсету жасағында жазасын өтеп жатқан сотталғандардың жоғары санатты психиатр-дәрігермен кездесуі өткізілді.
Денсаулық сақтау ісінің үздігі, Талдықорған қаласының психиатриялық диспансерінің әйелдер бөлімінің меңгерушісі Алексей Тищенко неврозды оңалту және алдын алу тақырыбында дәріс өткізді.
Іс-шара сотталғандардың психо-эмоционалдық бұзылулар мен жүктемелердің алдын алу, психологиялық денсаулықты нығайту, психологиялық жағдайды жақсарту, ішкі психологиялық проблемаларды шешу және эмоционалдық шиеленістерін жеңілдету мақсатында ұйымдастырылды.
