Қызылорда облысы бойынша ҚАЖД- ға қарасты №68 мемлекеттік мекемесінде ҚР-ның Сыбайлас жемқорлыққа қарсы агентігінің Қызылорда облысы бойынша сыбайлас жемқорлыққа қарсы департаментінің қызметкерлері экскурсияда болды.
Мақсат – қамаудағылардың ұсталыну жағдайын көрсету арқылы әр қызметкердің санасында құқық бұзушылықтың салдары туралы түсінік қалыптастыру болып табылады.
Тергеу изоляторының қызметкерлері экскурсияға қатысушыларға шаруашылық бөліміне қалдырылған жазасын өтеушіледің жатақханасын, тергеу бөлмелерін, психолог пен теолог кабинеттерін көрсетті.
– Үкімнің заңды күшіне енуін немесе апелляциялық шағымды күтіп отырған айыпталушылар мен тергеудегілер мұнда 15 тәулік ұсталады. Ал кейбір сотталғандар жазасын тергеу изоляторының шаруашылық қызметтеріне қалдырылған.
Бұлар негізінен бірінші соттылығы бар, жаза мерзімі 5 жылдан аспайтын қылмысқа тартылған азаматтар.
Мұнда бір қаладан екінші қалаға тасымдаланып бара жатқан қылмыскерлер де тоқтайды.
Сондай-ақ, тергеу изоляторында, сыбайлас жемқорлық қылмыстары үшін отырғандар да бар.
Қамаудағылардың барлығы бірдей жағдайда ұсталады. Мұнда ешқандай артықшылықтар жоқ.
Барлығы үшін 1,5 сағатқа созылатын күнделікті серуен, тамақ, төсек-орын, туыстарымен кездесу.
Камераларда сән-салтанат жоқ. Тек екі қабатты кереуеттер, алюминий шыныаяқтар мен қасықтар, торлы терезелер,темір есік пен қатаң күзетшілер.
Жемқор шенеуліктер де, уақытша осында отырады. Әрі қарай, сот шешімі шыққан соң, олар жазаны тікелей өтеу орындарына жіберіледі – деп түсіндірді режим және күзет бөлімінің бастығы, әділет майоры Төребеков Асылбек Қалдыбекұлы..
«Экскурцияға қатыса отырып, біз өте маңызды ақпарат алдық. Алған әсерлері мен ойларынан, қамауда отырудың ауырлығынан қорқып, қызметкерлеріміз сыбайлас жемқорлық іс-әрекеттеріне бармайды деп ойлаймын», — дейді, агенттіктің бас маманы Ж.Қозбағарова.
