«Отан Қорғаушылар күні» мерекесі қарсаңында Шымкент қаласы және Түркістан облысы бойынша қылмыстық атқару жүйесі департаментінің жас қызметкерлері ант қабылдады. Ресми шара қаладағы Абай саябағындағы Мәңгілік алау стелласы жанында өтті.
Бұл сақадай сап түзеген сардарлар мен офицерлер Қылмыстық атқару жүйесі департаментінің қызметкерлері. Салтанатты шараға мерекелік киініп көпшіліктің көз жауын алып тұр. Шарада әуелі әнұран шырқалып, департамент бастығы құтықтау тілегін айтты.
Бұл жолы 30 жас қызметкер ант қабылдады. Олар отанға Қазақстан республикасына адал қызмет етуге серт берді. Сонымен қатар 40 шақты қызметкер адал қызметі үшіт марапатталды. 4 офицердің шені жоғарылады.
Бұл департамент қызметкерлері қылмыстық атқару жүйесінде тәртіпті сақтау үшін тер төгіп келеді.Қалада ұйымдастырылған ауқымды шараларда да сақшылар қатарынан табылады. Мереке қарсаңында еңбегі еленген қызметкерлер салтанатты жиыннан шат көңілмен тарқады.
