Алматы қаласы Әуезов аудандық пробация қызметінің есебінде тұрған сотталған В.И.В. жаза өтеу тәртібін бұзған үшін бас бостандығынан айырылды.
Оған 2022 жылдың 02 желтоқсан айында Алматы қаласы Алмалы аудандық сотының үкімімен ҚР ҚК-нің 188 бабы 1 бөлігімен 1 жыл 3 айға бас бостандығы шектеу жазасы тағайындалған болатын. Есепке қойылған күннен бастап аталған пробация бөлімінің қызметкерлері оған жаза өтеу тәртібін түсіндіріп, ол тәртіпті бұзған жағдайда жазаның қатаң түрі қолданылатынын ескерткен болатын. Алайда сотталған В.И.В берілген кесте бойынша уақытылы тіркеуге келмей, үнемі жаза өтеу тәртібін бұзумен болды. Жуырда сот қаулысымен оның бас бостандығын шектеу жазасы бас бостандығынан айыру жазасына ауыстырылды.
Бұдан бөлек 5 есепте тұрған сотталғандар бас бостандығын шектеу түріндегі жазаны өтеу шарттарын бұзғаны үшін, бас бостандығынан айыру түріндегі жазаға ауыстырылды.
