Семейде, №20 түзеу мекемесінің қызметкерлерімен 1986 жылғы желтоқсан оқиғаларын еске алу ретінде «Халық қаһарманы» Қайрат Рысқұлбековтың ескерткішінің алаңында бір минуттық үнсіздік сақтау рәсімі өтті.
Қайрат Рысқұлбеков ескерткіші 2002 жылғы 13 желтоқсанда қойылған.
Рәсімге келгендер желтоқсан көтерілісінде құрбан болған жастарды бір минуттық үнсіздікпен еске алды.
Еске салсақ, 1986 жылғы 17-18 желтоқсан оқиғаларына 30 мыңнан астам адам қатысқан. Желтоқсан көтерілісіне қатысқандардың орташа жасы 25 жыл болды.
№20 түзеу мекемесінің қызметкерлері Семей қаласының Абай атындағы кітапханасына жол тартты.
Семей қаласының Абай атындағы кітапханасында мемлекеттік мереке қарсаңында кеңейтілген «Желтоқсан құрбандары» атты кітап көрмесі безендірілді. Көрмеге, Қазақстанда егемендік пен тәуелсіздіктің бастауына жол ашқан, Желтоқсан оқиғасы туралы мәліметтер қойылған.
Желтоқсан…Елім деп жастық шағын қиған боздақтарды еске алатын тарихи күн. Жыл сайын бұл уақытта тәуелсіздік үшін күрескен желтоқсаншыларды еске алу үшін қызметкерлермен түрлі іс-шаралар ұйымдастырылады- деді мекеме бастығы әділет подполковнигі А.Мухаметжанов.
