Ұлыстың ұлы күні – Наурыз мерекесіне орай Атырау облысы бойынша ҚАЖД қарасты №79 әйелдер түзету мекемесінде жазасын өтеушілер арасында «Шапағат» деструктивтік діни ағымдардан жапа шеккендерге көмек орталығы» қоғамдық қорының теолог мамандары А.Оспанова, А.Нұрғалиева және психолог маман Г.Құбышеваның қатысуымен «Салт-дәстүрім – асыл қазынам» атты сайыс ұйымдастырылды.
Сайыс барысында қатысушылар «Мирас» және «Асыл мұра» топтарына бөлінді. Психолог Г.Құбышева қазақтың тарихы және салт-дәстүріне байланысты сұрақтар қойса, теолог маман А.Оспанова оразаға байланысты және Абу Ханифаның өміріне байланысты сауалдар қойып, қыздар өзара жарысты.
Шара соңында қатысушы қыздарға «Шапағат» қоғамдық қоры тарапынан тігілген тақия және тарихшы, дінтанушы маман Ернар Абзалұлының «Қазақ даласындағы ислам тарихы» кітабы сыйға берілді.
Наурызға орай мерекелік дастархан ұйымдастырылып, дастархан басында уағыз-насихат айтылды.
