«Нұр-Мубарак» Египет Ислам мәдениеті университетінің ұстазы, республикалық ақпараттық түсіндірме топ мүшесі Талдыбаев Төлеген Өмірзақұлы Қызылорда облысы бойынша ҚАЖД №60 мекемесінде болып, сотталған азаматтармен «Діндегі қарама-қайшылықтар» тақырыбында кездесу өткізді. Кездесудің бірінші бөлігінде Т.Талдыбаев «Жусан» операциясы бойынша түсірілген бейнебаян көрсетті. Сонымен қатар, өзінің «Жусан-3» және «Жусан-4» операциясымен елге оралған азаматтармен жұмыс жасағандығын айта келе, осы жұмыс тәжірибесінде аталған азаматтардың Сириядағы қарулы қақтығыстарға кетуінің себептерінің көп екендігін, соның ішінде басым көпшілігі Ислам дінін өз деңгейінде түсіне алмағандықтан кеткендігіне көз жеткізгендігін айтты.
Кездесудің екінші бөлігінде «Діндегі қарама-қайшылықтар» жайында айтып берді. Яғни: «Азаматтардың Құран аяттары мен пайғамбар хадистерін өз деңгейінде түсіне алмаулары, олардың діни көзқарастарында қарама-қайшылықтар туғызып жататындығы жайлы, әйгілі ғалымдардың өмірлерінен дәлелдер келтіре отырып насихат айтты.
Кездесу соңында сотталған азаматтар өз алғыстарымен қатар көкейлерінде жүрген сұрақтарын қойды.