Мақтаарал аудандық полиция бөліміне жергілікті тұрғын арызбен жүгініп, белгісіз біреу оның жоғалтып алған ұялы телефонын пайдалану арқылы мобильді қосымшасынан несие рәсімдегені туралы шағымданған. Атына несие рәсімделгені туралы өзіне банктен телефон арқылы хабарласып, төлем жасау туралы айтқан кезінде ғана білген. Жәбірленушіге 500.000 теңге шығын келтірген.
Полиция қызметкерлері аталған фактіні ҚР ҚК-нің 190-бабы «Алаяқтық» бойынша тіркеуге алды.
Мақтаарал ауданының полицейлері күдіктіні іздеуге бірден кірісті. Жедел -іздестіру іс-шараларын жүргізу барысында алаяқтығы үшін күдікті ретінде жергілікті жас жігіт анықталды. Ол 24 жастағы бұрынғы әріптесі болып шықты.
Белгілі болғандай, жәбірленушінің жоғалтып алған ұялы телефонды күдікті жас жігіт тауып алған. Содан соң құпия сөзін білетінін пайдалана отырып, ол банк қосымшасынан заңсыз несие рәсімдеген. Күдікті жас жігіт несие алған ақшасын бас пайдасына жаратып жіберген.
Қазіргі таңда күдікті жас жігітке қатысты сотқа дейінгі тергеп-тексеру амалдары жүргізілуде.
Түркістан облысы ПД баспасөз қызметі
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
