12 маусым - Жалпыұлттық аза тұту күні

spot_img
spot_img
spot_img
0.00₸

Корзина пуста.

ОТАНДЫҚ ТУРИЗМНІҢ ДАМУЫ ЖАСТАРДЫҢ ҚОЛЫНДА

Алатау ұлттық паркі аумағындағы Аюлы визит орталығында V «Жас турист» этно-эко-экскурциялық-спорттық байқауы өтті. Халықаралық қазақ-қытай тіл колледжінің отандық туризмді дамыту бағытында ұйымдастыратын дәстүрлі бұл шарасына биыл ҚР Ұлттық туризм индустриясы қауымдастығы қолдау көрсетті.

– Жыл сайын өтетін бұл байқаудың басты мақсаты: болашақ жас мамандардың өздері тұратын аймақтың тарихын және туристік нысандарын тереңнен тану, экскурсия жүргізу деңгейлерін шыңдау. Сондай-ақ, туристікөлкетану жұмысын ұйымдастырудың үздік тәжірибесін анықтау және тарату. Сондықтан қатысушылардың 4 адамнан тұратын командасы алғашқы кезеңде өз өлкесі бойынша саяхатшылардың қызығушылығын арттыру үшін жергілікті туризм департаменттеріне ұсынылатын туристік нысандарды таныстыру жобасы жасалды. Ал екінші кезеңде саяхатқа арналған құрал-жабдықтарды қолдана отырып, сапарда кездесетін түрлі қиындықтарды еңсеруі бойынша сынға түсті, – дейді Халықаралық қазақ-қытай тіл колледжінің құрылтайшысы Фарида Мерхамитқызы. Оқу-ағарту министрлігінің есебі бойынша, елімізде 770 техникалық және кәсіптік білім беретін оқу орны бар. Оларда 488,9 мың адам білім алады. Алайда олардың арасында туризм саласы бойынша мамандар дайындайтындардың нақты саны белгісіз.

«Бұл салаға қажетті мамандар тек Алматы қаласындағы 80 колледждің 20-сында дайындалады. Яғни, республика бойынша олардың саны айтарлықтай деуге болады. Осыған қарамастан елімізде туризм бойынша білім алып жатқан жастардың республика бойынша білімін сынап, кәсіптік дағдысын тексеретін жалғыз ғана байқау бар. Ол – Халықаралық қазақ-қытай тіл колледжі өткізетін «Жас турист» байқауы. Алдымен қалалық, одан кейін республика көлемінде өткізіліп келген бұл шараның биыл қатысушылар географиясы кеңейіп, көршілес Қырғызстан мен Өзбекстаннан да командалар келіп отыр. Оларға ҚР Ұлттық туризм индустриясы қауымдастығының президенті Раушан Шәмілқызы, Алматы облысының спорттық құзға өрмелеу және альпинизм қауымдастығының президенті, облыстық құраманың аға жаттықтырушысы Нұржан Батырбеков, туристік көпсайыс бойынша спорт шебері Данил Жданов төрелік жасады», – дейді Халықаралық қазақ-қытай тіл колледжінің директоры Талғат Мамырұлы. Оның айтуынша, байқау жастардың өз шеберліктерін шыңдап, білімдерін жетілдіріп, өзара достық қарым-қатынас орнатуына ғана жағдай туғызып қоймай, туризм бойынша мамандар дайындайтын колледждер үшін де білім мен тәжірибе алмасуға жол ашып отыр. Мәселен, биыл қыркүйек айында осындай халықаралық жарыс Өзбекстанда, ал келесі жылы Қырғызстанда өтпек. «Былтырғы байқауға еліміздің әр өңірінен 14 команда қатысып, екінші кезеңге олардың жетеуі жолдама алған екен. Бұл жолы байқаудың алғашқы кезеңіне елімізден 10 команда өтініш білдірген еді. Онда 1-2 орынды Алматы қаласының Халықаралық қазақ-қытай тіл колледжі, Алматы сервистік қызмет көрсету колледжі бөліссе, үздік үштікті Шығыс Қазақстан облысының Алтай қаласынан келген Алтай жоғары колледжі түйіндеді. Ал екінші кезеңдегі сайысқа Алматы, Алтай, Байқоңыр қалаларының жеті командасы мен Қырғызстанның Ош мемлекеттік университетінің СТЕМ инновациялық колледжі, Өзбекстанның Бахмал экономика және туризм колледжі командалары қатысты. Онда Халықаралық қазақ-қытай тіл колледжі бірінші, Бахмал экономика және туризм колледжі екінші, СТЕМ инновациялық колледжі үшінші орын алды», – дейді ҚР Ұлттық туризм индустриясы қауымдастығы президенті Раушан Шәмілқызы. Мәдениет және спорт министрлігінің Туризм комитеті төрағасының орынбасары Мирас Төлебаевтың сөзіне қарағанда, «Жас турист» байқауының республикалық көлемінде шектеліп қалмай, халықаралық деңгейге көтерілуі еліміздің туризм саласындағы ахуалдың да оң көрсеткіші іспетті болып отыр. Министрлік мұндай бастамаларды алдағы уақытта да қолдап, өз құзыреті шегінде әріптестік байланысты ары қарай нығайтуға мүдделі.

Ерлік ЕРЖАНҰЛЫ, «Заң газеті»

Ипотека шарттарының өзгеруі: өңірлерде тұрғын үй бағасы 20%-ға арзандауы мүмкін

Қазақстандағы екінші деңгейлі банктер уақытша ипотека беруді тоқтатып, оның шарттарын қайта қарау және мөлшерлемелерді көтеру жөнінде шешім қабылдады. Тұрғын үй нарығы бойынша сарапшы Александр Пактың пікірінше, несиелеу талаптарының күшеюі әсіресе өңірлерде пәтер бағасының 20-25%-ға дейін төмендеуіне алып келуі мүмкін.

Президент Үкіметке экономикалық реформаларды жеделдетуді тапсырды

Президент Премьер-министр Олжас Бектеновке осы аптаның соңына дейін азаматтардың мүддесін ескере отырып, Үкіметтің экономикалық реформалар бағдарламасын іске асыру үдерісін реттеуге қатысты нақты шаралар әзірлеуді тапсырды.

Мәжіліс депутаты қоғамда жалған ілімдер мен курстар кең тарап жатқанын сынады

Мәжіліс депутаты Айдос Сарым қоғамда жалған ілімдер мен курстар кең тарап жатқанын сынады.

Алдағы күндері ауа райы қандай болады?

Қазгидромет 16, 17, 18 қазанға арналған ауа райы болжамын жариялады.

Доллар бағамы қандай?

15 қазандағы доллар бағамы белгілі болды.