Мәжіліс отырысы бір минуттық үнсіздікпен басталды: депутаттар Қазақстандағы саяси қуғын-сүргін құрбандарын еске алды, — деп хабарлайды Tengrinews.kz тілшісі.
31 мамырда Қазақстанда саяси қуғын-сүргін және ашаршылық құрбандарын еске алып жатыр. Жалпы отырыс басталар алдында Мәжіліс төрағасы Ерлан Қошанов бір минут үнсіздік жариялады.
«Бұл ел тарихындағы қайғылы беттердің бірі. Мен құрбандарды бір минут үнсіздікпен еске алуды ұсынамын», — деді Қошанов.