Ағымдағы жылдың 15 мамырында №2 мекемесі бастығының тәрбие жұмысы бойынша орынбасары әділет подполковнигі Е.Миржанов, кадр саясаты тобының қызметкерлері және режим бөлімінің жедел уәкілі, жедел бөлімнің бастығымен ҚР ІІМ Қостанай Академиясына оқуға түсуге үгіттеу жұмыстарын жүргізді. Мектеп түлектерінің назарына жоғары оқу орны ҚР ІІМ Қостанай академиясына оқуға түсу алгоритімі түсіндіріліп, ҚР ІІМ Қостанай академиясы бойынша қысқа көркем фильмі көрсетілді.
Оқу орнының курсанттары толығымен мемлекеттің қамтамасыз етуінде, ақша төлемдерін алатындығы, киім-кешектері, үш мезгілді ас қабылдау және тегін медициналық көмек алу жөнінде жеткізілді.
«Үгіттеу жұмыстарын жүргізудің негізгі мақсаты жас мамандарды жұмысқа тұрғызу болып табылады. Біз дарынды, мақсаты анық және оқуда жетістікке жететін жастар ҚР ІІМ ҚАЖК Академиясында оқуға түседі деген үміттеміз» — деп №2 мекемесі бастығының орынбасары әділет подполковнигі Еркен Миржанов аяқтады.
