2023 жылдың 10 сәуірі күні Абай атындағы Қазақ Ұлттық педагогикалық университетінде «Ұлттық тәрбие – ұлт болашағы» апталығы аясында университет пен мектептер арасында ынтымақтастықты нығайту мақсатында «Психологиялық қызмет» секторының психологтары «№71 мектеп-лицейінің» 10-11 сынып оқушыларына «Мамандық әлеміне саяхат» атты тренинг жүргізді.
Тренингтің мақсаты – оқушыларға мамандық таңдауда олардың негізгі түрлері, классификациясы, мамандықтардың тобы мен оларды таңдау әдістері туралы білімдерін, түсініктерін кеңейте отырып, мамандықтарға деген ынта-ықыласын, қызығушылықтарын арттыру.
Оқушылармен байланысты орнату мақсатында тренинг «Өзіммен пикникке не аламын?» таныстыру жаттығуынан басталды. Тренинг барысында оқушылар бір-бірін жақын танып, қарым-қатынас дағдыларын игерді. Тренингтің негізгі бөлігінде Е.А.Климовтың классификациясы бойынша ойын-жаттығуы жүргізілді. Жаттығудың мақсаты- қатысушылардың қабілеті мен деңгейіне қарай, мамандық таңдауына бағдарлану болып табылады.
Тренинг соңында қатысушылардан кері байланыс алу мақсатында рефлексия жүргізіліп, оқушылардан жағымды әсер алып, кері байланыс орнатылды.
«Психологиялық қызмет» секторы
